काठमाडौँ । गैरआवासीय नेपाली संघ (एनआरएनए) को १२औँ महाधिवेशनले जम्बो कार्यसमिति घोषणा गरेको छ। शनिबारदेखि सुरु भएको महाधिवेशनले डा. हेमराज शर्मालाई अध्यक्ष चयन गरेको छ भने रविन शेरचन वरिष्ठ उपाध्यक्ष बनेका छन्।
संघमा शेरचनसहित २४ जना उपाध्यक्ष चयन भएका छन्। उपाध्यक्षहरूमा रामशरण सिंखडा, खगेन्द्र न्यौपाने, मनोजकुमार श्रेष्ठ, रोजिना प्रधान राई, रोशन थापा, प्रविण गुरुङ, बुद्धि सुवेदी, चिन्तामणि सापकोटा, दधिबल खड्का, दिनेश पोखरेल, रविन बज्राचार्य, गोपीकृष्ण काफ्ले, डा. ज्ञानेन्द्र रेग्मी, जुनु गुरुङ, कमलमणि गुरागाईं, लोकप्रसाद दाहाल, महेन्द्र ओली, पूर्णचन्द्र बानियाँ, टंकप्रसाद गैरे, विश्वदीप तिगेला र तिलक गैरे रहेका छन्।
महिला उपाध्यक्षमा राधिका गुरुङ ‘टिका’ तथा युवा उपाध्यक्षमा भिमसेन थापा चयन भएका छन्। डा. चिरञ्जीवी खड्का महासचिव बनेका छन्।
उपमहासचिवमा अनुजा प्रधान, वेदराज बस्नेत, दिनेश कुमार घिमिरे, पारसमणि पोख्रेल, राजेन्द्र अर्याल र स्वतन्त्र प्रताप शाह चयन भएका छन्।
सचिवहरूमा अभिमन्यु बस्नेत, दिपेश खत्री, मदनराज पौडेल, माधव दुलाल, मोहम्मद मुक्तदा मुसलमान, प्रसुन्ना कडेल, शिवप्रसाद पौडेल, सुजन अधिकारी, सुजन केसी खत्री, सुपेन्द्र घिसिङ, यज्ञनारायण पौडेल, भवानीप्रसाद तिम्सिना र रमेश भट्ट रहेका छन्। महिला सचिवमा अमृता थापा कञ्चन चयन भएकी छन्।
कोषाध्यक्षमा कृष्णप्रसाद तिम्सिना चयन भएका छन् भने सह–कोषाध्यक्षमा अब्दुल बासिद र विमल सुवेदी तथा महिला सह–कोषाध्यक्षमा गंगा खतिवडा चयन भएकी छन्।
महिला संयोजकमा रश्मि थापा र युवा संयोजकमा नविन निउरे चयन भएका छन् भने प्रवक्तामा सोम सापकोटा रहेका छन्।
यसैगरी, विभिन्न क्षेत्रीय संयोजक र सह–संयोजकहरू पनि चयन गरिएको छ। अफ्रिका संयोजकमा मनोज विक, अमेरिका संयोजकमा भुवन खरेल, एसिया प्यासिफिक संयोजकमा दिपकप्रसाद कडेल, युरोप संयोजकमा रोबर्ट लिम्बु, मध्यपूर्व संयोजकमा रमेश श्रेष्ठ र ओसेनिया संयोजकमा रमेश जोशी चयन भएका छन्।
महासंघले विभिन्न क्षेत्र, महिला तथा युवा संयोजकहरू समेत चयन गर्दै पूर्ण कार्यसमिति गठन गरेको जनाएको छ।
