काठमाडौँ । प्रधानमन्त्री सुशीला कार्कीले **गैरआवासीय नेपाली सङ्घ (एनआरएनए)**का नवनिर्वाचित अध्यक्ष डा. हेमराज शर्मालाई बधाई तथा शुभकामना व्यक्त गरेकी छन्।
प्रधानमन्त्री कार्कीले सोमबार साँझ आफ्नो औपचारिक फेसबुक पेजमार्फत डा. शर्माको नेतृत्वमा चयन भएको नयाँ टोलीलाई सफल कार्यकालको शुभकामना दिएकी हुन्।
उनले एकता र मेलमिलापभन्दा ठूलो शक्ति अरू केही नहुने उल्लेख गर्दै गैरआवासीय नेपाली सङ्घले एउटै मञ्च र एउटै ब्यानरमा सर्वसम्मत नेतृत्व चयन गरी अघि बढ्ने प्रण लिएको बताएकी छन्। साथै विश्वभर रहेका सम्पूर्ण गैरआवासीय नेपालीलाई बधाई दिँदै डा. हेमराज शर्मा नेतृत्वको टोलीलाई सफल कार्यकालको शुभकामना व्यक्त गरेकी छन्।
यसअघि प्रधानमन्त्री कार्कीले गैरआवासीय नेपाली सङ्घको १२औँ विश्व सम्मेलन तथा महाधिवेशनको समापन समारोहलाई सम्बोधन गरेकी थिइन्।
काठमाडौँमा विगत तीन दिनदेखि जारी सङ्घको १२औँ महाधिवेशनले नयाँ कार्यसमिति चयन गर्दै सम्पन्न भएको हो। सो सम्मेलनले १२ बुँदे घोषणापत्र पनि जारी गरेको छ।
डा. शर्मा गैरआवासीय नेपाली सङ्घमा १३ वर्षपछि पहिलो पटक सर्वसम्मत रूपमा अध्यक्ष चयन भएका हुन्
