काठमाडौं । व्यवसायी शेखर गोल्छालाई जिल्ला अदालत काठमाडौंले एक करोड रुपैयाँ धरौटीमा रिहा गर्न आदेश दिएको छ।
जिल्ला अदालत काठमाडौंकी न्यायाधीश प्रतिमाकुमारी भट्टराई पोखरेलको इजलासले मंगलबार भएको सुनुवाइपछि गोल्छालाई बिमासम्बन्धी कसुरमा ७५ लाख रुपैयाँ र धितोपत्रसम्बन्धी कसुरमा २५ लाख रुपैयाँ धरौटी माग गर्ने आदेश दिएको हो।
अदालतका सूचना अधिकारी शिव खतिवडाका अनुसार दुवै मुद्दामा गरी कुल एक करोड रुपैयाँ धरौटी बुझाएपछि गोल्छा रिहा हुनेछन्।
