Homeप्रवासअमेरिकाभर्जिनियामा कुन्तीदेखि प्रकाशले दर्शक नचाए

भर्जिनियामा कुन्तीदेखि प्रकाशले दर्शक नचाए

नेपाली अमेरिकन सामुदायिक केन्द्र- न्याक भर्जिनियाले नयाँ नेपाली वर्षको उपलक्ष्यमा वृहत् साङ्गीतिक साँझ कार्यक्रम आयोजना गरेको छ । डिसी महानगर क्षेत्र वरपरका नेपाली समुदायको खचाखच भिड रहेको उक्त कार्यक्रममा राष्ट्रिय स्तरका प्राप्त लोकप्रिय कलाकारहरूको बेजोड प्रस्तुति रहेको थियो ।

भर्जिनियामा एकै मञ्चमा एकै पटक राष्ट्रिय स्तरका अत्यधिक लोकप्रिय कलाकारहरू चर्चित गायिका कुन्ती मोक्तान ,लोकप्रिय गायिका अन्जु पन्त ,हाल सर्वाधिक माग भएका प्रकाश सपुत तथा सबैका मन पर्ने गायक किरण गजमेरको बेजोड प्रस्तुतिको कारण दर्शकहरू खुसीले गद्गद र प्रफुल्ल हुँदै नाचेका थिए । लामो समय पछि भर्जिनियामा आयोजना भएको साङ्गीतिक कार्यक्रममा दर्शकहरूले कलाकारहरूको प्रस्तुतिमा साथ दिएका थिए ।

कार्यक्रममा यस क्षेत्रका नेपाली समुदायहरू तीन पुस्ताहरु पनि संगै कार्यक्रम हेर्न र कलाकारहरुलाई हौशला प्रदान गर्न आएका थिए । कैयौ दर्शकहरू पुरै टिकट बिक्रि भएको कारण फर्कनु समेत परेको थियो । गायिका कुन्ती मोक्तानले आफ्ना दर्शकहरुलाई मन पर्ने उनका कालजयी गीतहरू माथि माथि सैलुंगेमा लगायत गीतहरू प्रस्तुत गरेकी थिइन् भने उनका पति शिला बहादुर मोक्तान तथा उनलाई सम्मान गरिएको थियो ।

अन्जु पन्तले पनि आफ्ना केही चर्चित गीत गाउँदै आफू मञ्चमै झुम्दा दर्शकहरूले साथ दिएका थिए । उनले सुर्के थैली लगायत केही गीतहरू प्रस्तुति गरेकी थिइन् । त्यस्तै गरी भ्वाईस अफ नेपाल–३ का विजेता युवा गायक किरण गजमेरले अझ माहौल तताएका थिए ।

कार्यक्रमका मुख्य आकर्षण मध्ये कै चर्चित कलाकार प्रकाश सपुत मञ्चमा आउँदा अझ दर्शकहरू औधी रमाएका थिए । उनले पनि आफ्ना ज्यादै चलेका गीतहरू पस्केका थिए भने उनले गीत गाउँदासँगै दर्शक झुमेका थिए । समयको अभावको कारण धेरै गीतहरू प्रस्तुति गर्न नपाएता पनि उनले दर्शकलाई बेजोड नचाएका थिए । कार्यक्रममा अमेरिकाका लागि नेपाली राजदूत श्रीधर खत्री प्रमुख अतिथि रहेका थिए भने मञ्चमा न्याकका अध्यक्ष चिकित्सक मदन उप्रेतीले छोटो बोलेका थिए ।

सम्बन्धित समाचार
- Advertisment -spot_img

ताजा समाचार

धेरै कमेन्ट गरिएका