काठमाडौं: नेपाल आयल निगमले पेट्रोल, डिजेल र मट्टीतेलको मूल्य घटाएको छ।
इण्डियन आयल कर्पोरेसनबाट इन्धनको मूल्य घटेर आएपछि नेपाल आयल निगमले मूल्य समायोजन गर्ने निर्णय गरेको हो।
निगमका अनुसार मंगलबार बसेको बैठकले आजै मध्यरातदेखि लागू हुने गरी पेट्रोलको मूल्य प्रतिलिटर ३ रुपैयाँ १५ पैसा र डिजेलको मूल्य २ रुपैयाँ ६२ पैसाले घटाउने निर्णय गरेको हो।
भारतबाट आयात हुने इन्धनको मूल्य घटेकाले नेपालमा पनि सोहीअनुसार समायोजन गरिएको निगमले जनाएको छ।
