काठमाडौं: देशमा हाल पश्चिमी तथा स्थानीय वायुको प्रभाव रहेको जल तथा मौसम पूर्वानुमान महाशाखाले जनाएको छ। साथै, बङ्गालको खाडीबाट भित्रिएको जलवाष्पयुक्त हावाले पनि आंशिक प्रभाव पारिरहेको छ।

महाशाखाका अनुसार आज दिउँसो देशभर आंशिकदेखि सामान्य बदली रहनेछ। पहाडी भू–भागका केही स्थानमा र बाँकी भू–भागका एक–दुई स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ। देशका हिमाली भू–भागका केही स्थानमा हल्का वर्षा र हिमपात हुन सक्ने महाशाखाले जनाएको छ।

आज राति पहाडी क्षेत्रहरूमा आंशिकदेखि सामान्य बदली रहनेछ भने अन्य क्षेत्रको मौसम सामान्यतः सफा रहनेछ। कोशी, बागमती र गण्डकी प्रदेशका हिमाली भू–भागका एक–दुई स्थानमा हल्का वर्षा र हिमपातको सम्भावना पनि रहेको छ।

काठमाडौं: नेपाली कांग्रेसका सभापति एवं पूर्व प्रधानमन्त्री शेरबहादुर देउवासँग भारतीय जनता पार्टी (भाजपा)का विदेश विभाग प्रमुख डा. विजय चौथाइवालेले भेटवार्ता गर्नुभएको छ।

देउवाको बुढानिलकण्ठस्थित निजी निवासमा भएको भेटमा नेपाल–भारत सम्बन्धका विविध पक्षहरूबारे समीक्षा गर्दै ऐतिहासिक साझेदारीलाई थप सुदृढ बनाउने विषयमा छलफल भएको बताइएको छ।

भेटका अवसरमा परराष्ट्रमन्त्री तथा देउवाकी धर्मपत्नी डा. आरजु राणा देउवाको पनि उपस्थिति थियो। परराष्ट्रमन्त्री डा. देउवाले उक्त भेटलाई “फलदायी” भएको उल्लेख गर्दै सामाजिक सञ्जालमार्फत जानकारी दिनुभएको छ।

कालीमाटी बजारमा आजका लागि तोकिएका तरकारी र फलफूलको थोक मूल्य सार्वजनिक

काठमाडौँ, १८ वैशाखः कालीमाटी फलफूल तथा तरकारी बजार विकास समितिले आजका लागि कृषिउपजको अधिकतम थोक मूल्य निर्धारण गरेको छ। समितिका अनुसार तरकारी, फलफूल, सागसब्जी, मसला तथा माछाको मूल्य सूची निम्नानुसार छ।

तरकारीहरू
गोलभेँडा (ठूलो, नेपाली): रु ४०/किलो

गोलभेँडा (ठूलो, भारतीय): रु ६०/किलो

गोलभेँडा (सानो, लोकल): रु २५/किलो

गोलभेँडा (सानो, तराई): रु ४५/किलो

आलु रातो (नेपाली): रु ३२/किलो

आलु रातो (भारतीय): रु ३८/किलो

प्याज (सुकेको, भारतीय): रु ३८/किलो

गाजर (लोकल): रु ४०/किलो

गाजर (तराई): रु २५/किलो

बन्दा (लोकल): रु १५/किलो

बन्दा (नरिवल): रु २०/किलो

काउली (स्थानीय): रु ३५/किलो

मूला रातो: रु ४५/किलो

मूला सेतो (लोकल): रु २०/किलो

सेतो मूला (हाइब्रिड): रु ३०/किलो

भन्टा (लाम्चो): रु ३०/किलो

भन्टा (डल्लो): रु ५०/किलो

बोडी (तने): रु ८०/किलो

सिमी, करेला, लौका, चिचिण्डा, घिरौँला आदि
मटरकोसा: रु १२०/किलो

घिउ सिमी (लोकल/हाइब्रिड): रु ७०/किलो

टाटे सिमी: रु ९०/किलो

भटमास कोसा: रु १५०/किलो

तितो करेला: रु ४०/किलो

लौका: रु २५/किलो

परबर (लोकल/तराई): रु ८०/किलो

चिचिण्डो: रु ५०/किलो

घिरौला: रु ४०/किलो

झिगुनी: रु ८०/किलो

फर्सी (पाकेको): रु ५०/किलो

फर्सी हरियो (लाम्चो/डल्लो): रु ३०/किलो

सलगम: रु ८०/किलो

भिण्डी: रु ६०/किलो

कन्दमूल र सागपात
सखरखण्ड: रु ६०/किलो

बरेला: रु ५०/किलो

पिँडालु: रु ९०/किलो

स्कूस: रु ५०/किलो

रायो साग: रु ६०/किलो

पालुङ्गो, चमसुर, मेथीको साग: रु १००/किलो

तोरीको साग: रु ३५/किलो

प्याज हरियो, बकुला: रु ५०/किलो

तरुल: रु १००/किलो

च्याउ (कन्य): रु २४०/किलो

च्याउ (डल्ले): रु ३५०/किलो

कुरिलो: रु ६००/किलो

विशेष तरकारी तथा जडीबुटी
निगुरो: रु ५०/किलो

ब्रोकाउली: रु ९०/किलो

चुकुन्दर: रु ६०/किलो

सजीवन: रु १००/किलो

कोइरालो: रु २५०/किलो

रातो बन्दा, जिरीको साग: रु ६५/किलो

ग्याठकोभी: रु ६०/किलो

सेलरी: रु २००/किलो

पार्सले: रु ३००/किलो

सौफको साग: रु १२०/किलो

पुदिना: रु २५०/किलो

गान्टे मूला: रु ५०/किलो

इमली: रु १७०/किलो

तामा: रु १००/किलो

तोफु: रु १४०/किलो

गुन्द्रुक: रु ३५०/किलो

फलफूल
स्याउ (झोले): रु २५०/किलो

स्याउ (फूजी): रु ३४०/किलो

केरा (दर्जन): रु १६०

कागती: रु ३००/किलो

अनार: रु ३५०/किलो

अङ्गुर (हरियो): रु २००/किलो

अङ्गुर (कालो): रु २५०/किलो

सुन्तला (भारतीय): रु १४०/किलो

तरबुजा (हरियो): रु ५०/किलो

मौसम, जुनार: रु २००/किलो

भुइँकटहर (प्रतिगोटा): रु २००

काँक्रो (लोकल): रु ८०/किलो

काँक्रो (हाइब्रिड): रु ४०/किलो

रुख कटहर: रु १००/किलो

निबुवा: रु ५०/किलो

नासपाती (चाइनिज): रु २६०/किलो

मेवा (नेपाली): रु ५०/किलो

मेवा (भारतीय), अम्बा: रु १२०/किलो

लप्सी: रु ८०/किलो

उखु (प्रतिगोटा): रु ९०

स्ट्रबेरी (भुइँऐसेलु): रु २५०/किलो

किबी: रु ४५०/किलो

आभोकाडो: रु ६५०/किलो

अमला: रु १००/किलो

मसला र अन्य सामग्री
अदुवा: रु १३०/किलो

खुर्सानी (सुकेको): रु ४२०/किलो

खुर्सानी (हरियो): रु ७०/किलो

खुर्सानी (बुलेट/माछे): रु ८०/किलो

अकबरे खुर्सानी: रु ४००/किलो

भेडे खुर्सानी: रु ८०/किलो

लसुन (हरियो): रु ८०/किलो

धनियाँ (हरियो): रु १२०/किलो

लसुन (सुकेको – चाइनिज): रु ३२०/किलो

लसुन (सुकेको – नेपाली): रु ३००/किलो

माछा र विशेष च्याउ
ताजा माछा (रहु): रु ३२०/किलो

ताजा माछा (बचुवा): रु २६०/किलो

ताजा माछा (छडी): रु २४०/किलो

रुख टमाटर: रु १६०/किलो

राजा च्याउ: रु ३००/किलो

सिताके च्याउ: रु ८००/किलो

सूचना स्रोत: कालीमाटी फलफूल तथा तरकारी बजार विकास समिति
मिति: २०७५ साल वैशाख १८ गते

काठमाडौँ: स्वास्थ्य तथा जनसङ्ख्या मन्त्रालयले सरकारी चिकित्सकहरूलाई बिरामीका रिपोर्टमा आफ्ना सम्पूर्ण विवरण उल्लेख गर्न निर्देशन दिएको छ।

मन्त्रालयअन्तर्गतको गुणस्तर मापन तथा नियमन महाशाखाले आज सबै संघीय अस्पताल तथा प्रतिष्ठानहरूलाई पत्राचार गर्दै उक्त निर्देशन दिएको हो। अबदेखि अस्पतालमा उपचारका लागि आउने बिरामीको रिपोर्टमा सिफारिस गर्ने चिकित्सक वा स्वास्थ्यकर्मीको पूरा नाम, विशेषज्ञता, नेपाल मेडिकल काउन्सिलको दर्ता नम्बर, सही र छाप अनिवार्य रूपमा उल्लेख गर्नुपर्नेछ।

मन्त्रालयका प्रवक्ता डा. प्रकाश बुढाथोकीका अनुसार, यो व्यवस्थाले बिरामीको उपचार र पुनः परीक्षण प्रक्रियालाई सहज बनाउने अपेक्षा गरिएको छ। साथै, अनावश्यक परीक्षण रोक्न र परीक्षण गर्न सकिने अवस्था हुँदाहुँदै बिरामीलाई अन्यत्र रिफर गर्ने अभ्यासलाई निरुत्साहित गर्ने उद्देश्य राखिएको छ।

“हालसम्म चिकित्सकीय विवरण अपूर्ण हुँदा बिरामीको उपचारमा जटिलता आउने, तथा उपचार क्रममा भएका त्रुटिहरू पहिचान गर्न कठिन हुने समस्या देखिएको छ। अब चिकित्सकीय विवरण अनिवार्य गराउँदा चिकित्सकहरू थप जिम्मेवार र जवाफदेही हुने विश्वास लिइएको छ,” प्रवक्ता बुढाथोकीले बताए।

स्वास्थ्य तथा जनसंख्या मन्त्री प्रदीप पौडेलले सरकारी अस्पतालमा सेवा प्रभावकारी बनाउन उपचार सेवाको सुधारमा जोड दिँदै आउनुभएको छ। मन्त्रीको निजी सचिवालयका अनुसार, मन्त्रालयको तर्फबाट जारी गरिएको यो निर्देशनले त्यही सुधार प्रक्रियामा महत्वपूर्ण योगदान पुर्‍याउनेछ।

काठमाडौं: नागरिक उन्मुक्ति पार्टी (नाउपा)का संरक्षक रेशम चौधरी पक्राउ परेपछि आज हुने भनिएको जनमत पार्टी र नाउपाबीचको एकता प्रक्रिया रोकिएको छ।

जनमत पार्टीका अध्यक्ष सीके राउतले एकता घोषणा कार्यक्रम सुरु हुनै लाग्दा नेपाल प्रहरीले रेशम चौधरीलाई नेपाल प्रज्ञा प्रतिष्ठानको कार्यक्रमस्थलबाटै पक्राउ गरी डिल्लीबजार कारागार पठाएको जानकारी दिए।

“हामी यस घटनाको घोर भर्त्सना गर्दछौं। सो घटनाका कारण आजको एकीकरण कार्यक्रम स्थगित गरिएको छ। सबै नेता तथा कार्यकर्तालाई आ–आफ्नो घर फर्किन आग्रह गर्दछौं,” राउतले भने, “अब हामी बैठक बसेर अर्को निर्णयको सूचना छिट्टै दिनेछौं।”

काठमाडौं: नागरिक उन्मुक्ति पार्टी (नाउपा) सरकारबाट बाहिरिने तयारीमा रहेको छ।

पार्टीका संरक्षक रेशम चौधरी पक्राउ परेपछि सरकारमा रहनु उपयुक्त नहुने भन्दै पार्टीले समर्थन फिर्ता लिने निर्णय गरेको प्रवक्ता दामोदर पण्डितले जानकारी दिए। उनका अनुसार सरकारले पार्टी संरक्षकलाई पक्राउ गरेपछि समर्थन जारी राख्न नसकिने निष्कर्षमा नाउपा पुगेको हो।

“अब हामी चाँडै सरकारबाट बाहिरिन्छौं,” प्रवक्ता पण्डितले भने।

नाउपाबाट अरुण कुमार चौधरी संस्कृति, पर्यटन तथा नागरिक उड्डयन राज्यमन्त्रीका रूपमा कार्यरत छन्।

पार्टी संरक्षक रेशम चौधरी आज (मंगलबार) काठमाडौंस्थित नेपाल प्रज्ञा प्रतिष्ठानबाट पक्राउ परेका थिए।