काठमाडौं- जेनजी पुस्ताले सोमबार काठमाडौंको माइतीघरमा प्रदर्शन गरेका छन्। बिहान ९ बजे सुरु भएको प्रदर्शनका लागि जिल्ला प्रशासन कार्यालय काठमाडौंबाट अनुमति लिइएको थियो।
सन् १९९७ देखि २०१२ बीच जन्मिएका युवाहरुलाई ‘जेनजी पुस्ता’ भनिन्छ। उनीहरूले सामाजिक सञ्जाल बन्द, भ्रष्टाचार र नातावादविरुद्ध आवाज उठाउँदै आन्दोलन थालेका हुन्।
कार्यक्रम अनुसार उनीहरू माइतीघरमा भेला भई ११ बजे मार्चपास गर्दै बानेश्वरसम्म पुगेका छन्। जेनजी पुस्ताको आन्दोलनलाई विभिन्न जनप्रतिनिधि र नेताहरूले समर्थन जनाएका छन्।
