काठमाडौं । नेपाल सरकारले कक्षा ५ सम्मका विद्यार्थीहरूको आन्तरिक परीक्षा प्रणाली बन्द गर्ने निर्णय गरेको छ।
शुक्रबार बसेको मन्त्रिपरिषद् बैठकले आगामी शैक्षिक सत्रदेखि कक्षा ५ सम्म लिइँदै आएको आन्तरिक परीक्षा पूर्ण रूपमा खारेज गर्ने निर्णय गरेको हो।
सरकारका अनुसार साना बालबालिकामा परीक्षाका कारण उत्पन्न हुने मनोवैज्ञानिक त्रास, तनाव र दबाबलाई कम गर्दै उनीहरूको स्वाभाविक र सिर्जनात्मक सिकाइ प्रक्रियालाई प्रोत्साहन गर्ने उद्देश्यले यो कदम चालिएको हो।
यस निर्णयले प्रारम्भिक तहको शिक्षालाई परीक्षा–केन्द्रित भन्दा सिकाइ–केन्द्रित बनाउने अपेक्षा गरिएको छ।
