बेरुत । दक्षिणी लेबनानमा इजरायलले गरेको हवाई आक्रमणमा कम्तीमा १९ जनाको मृत्यु भएको छ। लेबनानी स्वास्थ्य मन्त्रालयका अनुसार एउटै आक्रमणमा मात्र १० जनाको ज्यान गएको हो।
आक्रमण देइर कानौन सहरस्थित एक घरलाई लक्षित गरी गरिएको थियो। मृतकमध्ये ३ बालबालिका र ३ महिला रहेका छन्।
मार्च २ मा इरान समर्थित शिया समूह हिजबुल्लाहले इजरायलमा रकेट प्रहार गरेपछि लेबनान द्वन्द्वमा प्रवेश गरेको बताइएको छ।
त्यसको प्रतिक्रिया स्वरूप यो आक्रमण गरिएको दाबी गरिएको छ।
हालै अमेरिका र लेबनान तथा इजरायलबीच ४५ दिनका लागि युद्धविराम विस्तार गर्न सहमति भएको घोषणा गरिएको एक हप्ताभन्दा कम समयमै यो आक्रमण भएको हो। वार्ता जुन महिनाको सुरुमा पुनः सुरु हुने तालिका छ।
युद्धविरामका बाबजुद पनि इजरायल र हिजबुल्लाहबीच विशेषगरी दक्षिणी लेबनानमा गोलीबारी र आक्रमण जारी रहेको बताइएको छ। इजरायलले हिजबुल्लाहलाई लक्षित गरिएको दाबी गर्दै आएको छ।
तर ती आक्रमणहरूमा सर्वसाधारण, महिला र बालबालिका पनि मारिँदै आएको उल्लेख गरिएको छ।
