काठमाडौं। रसुवाबाट ल्याइएका २१ वटा बेवारिसे शव पशुपतिको विद्युत् शवदाह गृहमा राखिएको छ। ती शवको पहिचान खुल्न बाँकी रहेको जनाइएको छ।
शवलाई तत्काल दाहसंस्कार नगरी पहिचान तथा आवश्यक प्रक्रिया पूरा नहुँदासम्म सुरक्षित राखिएको हो। पशुपति विकास कोषद्वारा सञ्चालित विद्युत् शवदाह गृहमा शव सुरक्षित राख्ने व्यवस्था गरिएको जनाइएको छ।
सम्बन्धित निकायले शवको पहिचानका लागि आवश्यक प्रक्रिया अघि बढाइरहेको जनाएको छ।
