काठमाडौं। नेपाल आयल निगमले डिजेल, मट्टितेल र हवाई इन्धनको मूल्य समायोजन गरेको छ। निगमको सञ्चालक समितिले मंगलबार राति १२ बजेबाट लागू हुने गरी नयाँ मूल्य निर्धारण गरेको हो।
निगमले इण्डियन आयल कर्पोरेशनबाट प्राप्त मूल्य परिवर्तनअनुसार समायोजन गरिएको जनाएको छ। निगमका अनुसार डिजेल र मट्टितेलमा प्रतिलिटर २ रुपैयाँले वृद्धि गरिएको छ। यस्तै, हवाई इन्धनमा आन्तरिकतर्फ प्रतिलिटर ७ रुपैयाँ घटाइएको छ भने अन्तर्राष्ट्रिय उडानका लागि काठमाडौंमा प्रतिलिटर ५१ डलरले मूल्य घटाइएको छ। पोखरा र भैरहवाका लागि ब्रेक इभन पोइन्टमा बिक्री मूल्य कायम गरिएको छ।
नयाँ मूल्य अनुसार अब डिजेल पहिलो वर्गमा प्रतिलिटर १४६.५० रुपैयाँ, दोस्रोमा १४८ रुपैयाँ र तेस्रोमा १४९ रुपैयाँ पुगेको छ।
