काठमाडौं। नेपाली महिला राष्ट्रिय खोखो टोलीले युगान्डालाई पराजित गर्दै विश्वकप फाइनलमा स्थान सुरक्षित गरेको छ।
यो नेपालको खेलकुद इतिहासमा विश्वकप फाइनलमा प्रवेश गर्ने पहिलो ऐतिहासिक सफलता हो।
भारतको नयाँ दिल्लीस्थित इन्दिरा गान्धी इन्डोर खेल मैदानमा आज सम्पन्न सेमिफाइनल खेलमा नेपालले युगान्डालाई ८९–१८ को फराकिलो अन्तरले हराउँदै फाइनलमा स्थान पक्का गरेको हो। सेमिफाइनलसम्म नेपाल महिला टोली अपराजित रहँदै उत्कृष्ट प्रदर्शनमार्फत फाइनलमा पुगेको हो।
नेपालको यो ऐतिहासिक उपलब्धिले देशभर उत्साह थपेको छ।
