काठमाडौँ, २८ साउन — भारतीय प्रतिद्वन्द्वीलाई पराजित गर्दै म्याट्रिक्स फाइट नाइट (एमएफएन) बान्टमवेट च्याम्पियन बनेका बझाङका रवीन्द्र ढाँटलाई प्रोत्साहनस्वरूप रु ५ लाख प्रदान गरिने भएको छ।
प्रधानमन्त्री केपी शर्मा ओलीले सोमबारको मन्त्रिपरिषद् बैठकको निर्णयअनुसार उक्त रकम प्रदान गरिने जानकारी सामाजिक सञ्जालमार्फत दिएका हुन्। यसै निर्णयअनुसार, रवीन्द्रका प्रशिक्षकलाई पनि रु २ लाख पुरस्कार दिइनेछ।
गत शनिबार भारतमा आयोजित प्रतिस्पर्धामा रवीन्द्रले भारतका च्याम्पियन चुनरेङ कोरेनलाई पराजित गर्दै उपाधि आफ्नो पक्षमा पारेका थिए।
