काठमाडौं: अन्तर्राष्ट्रिय महिला च्याम्पियनसिप अन्तर्गत नेपालले आज लिग चरणको अन्तिम खेलमा म्यानमारसँग प्रतिस्पर्धा गर्नेछ। त्रिपुरेश्वरस्थित दशरथ रंगशालामा साँझ ६ बजे नेपाल र म्यानमारबीचको खेल हुनेछ।
नेपालले यसअघि किर्गिस्तान र लेबनानलाई समान १-० गोलले पराजित गर्दै फाइनल यात्रा तय गरिसकेको छ। अन्तिम खेल अगावै उपाधि प्रतिस्पर्धाका लागि स्थान सुरक्षित गरिसकेको नेपाल आज म्यानमारविरुद्ध जितको लक्ष्यसहित मैदान उत्रनेछ।
म्यानमार नेपालका लागि कठिन प्रतिद्वन्द्वी मानिन्छ। अहिलेसम्म नेपालले म्यानमारसँग चार खेल खेलेको छ, जसमा तीन खेलमा पराजित भएको छ भने एक खेल बराबरीमा सकिएको थियो। नेपालले आज म्यानमारविरुद्ध पहिलो जित निकाल्ने लक्ष्य राखेको छ।
