काठमाडौं: नेपालले चारदेशीय अन्तर्राष्ट्रिय महिला फुटबल प्रतियोगितामा विजयी सुरुआत गरेको छ।
त्रिपुरेश्वरस्थित दशरथ रंगशालामा सोमबार भएको खेलमा नेपालले पाहुना टोली किर्गिस्तानलाई १-० ले पराजित गर्दै तीन महत्वपूर्ण अंक जोडेको छ।
नेपालको जितमा विमला चौधरीको गोल निणार्यक बन्यो। खेलको १३औँ मिनेटमा उनले सविता रानामगरको क्रसमा उत्कृष्ट फिनिसिङ गर्दै गोल गर्दै नेपाललाई अग्रता दिलाइन्।
यस जितसँगै नेपालले प्रतियोगितामा सानदार सुरुआत गरेको छ। त्यही दिन भएको अर्को खेलमा म्यानमारले लेबनानलाई ३-० को फराकिलो अन्तरले पराजित गरेको छ।
