काठमाडौँ । नेपाली कांग्रेसले आगामी असोज १६ देखि १९ गतेसम्म काठमाडौँमा आयोजना हुने १५औँ महाधिवेशनलाई ‘महाउत्सव’का रूपमा मनाउने निर्णय गरेको छ।
आइतबार बसेको कांग्रेस कार्यसम्पादन समितिको बैठकले महाधिवेशनलाई भव्य रूपमा सम्पन्न गर्दै ‘महाउत्सव’का रूपमा मनाउने निर्णय गरेको पार्टीका प्रवक्ता देवराज चालिसेले जानकारी दिए।
बैठकले १४औँ महाधिवेशनबाट निर्वाचित केन्द्रीय सदस्यहरूलाई १५औँ महाधिवेशनमा पनि सोही हैसियतमा कायम राख्ने निर्णय गरेको छ।
प्रवक्ता चालिसेका अनुसार महाधिवेशनको खुला तथा बन्द दुवै सत्र काठमाडौँमै आयोजना गरिनेछ।
