स्थानीय स्वास्थ्यकर्मी र प्रत्यक्षदर्शीहरूका अनुसार गाजा शहरको व्यस्त आवासीय क्षेत्रमा मंगलबार भएको आक्रमणमा कम्तीमा तीन प्यालेस्टिनीको मृत्यु भएको छ भने धेरै घाइते भएका छन्।
इजरायली सेना र सुरक्षा एजेन्सीले ओदेह लुकेर बसेको भनिएको भवनलाई लक्षित गरी कारबाही गरिएको जनाएको छ। सुरक्षा निकायका अनुसार लामो समयसम्म निगरानी गरेपछि उक्त आक्रमण गरिएको हो।
हमासले घटनाबारे औपचारिक प्रतिक्रिया सार्वजनिक गरिसकेको छैन। तर, स्थानीय हमास स्रोत र परिवारका सदस्यहरूले ओदेह, उनकी श्रीमती तथा वयस्क छोरा आक्रमणमा मारिएको बताएका छन्।
आक्रमण ईद–उल–अजहाको किनमेलका कारण बजार क्षेत्रमा अत्यधिक भीड भएका बेला भएको बताइएको छ। प्रत्यक्षदर्शीहरूका अनुसार भवनमा विभिन्न दिशाबाट एकैपटक कम्तीमा पाँचवटा क्षेप्यास्त्र प्रहार गरिएको थियो।
गाजा स्वास्थ्य मन्त्रालय का अनुसार गत अक्टोबर ७ मा हमासले इजरायलमाथि गरेको आक्रमणपछि सुरु भएको इजरायली सैन्य कारबाहीमा हालसम्म ७२ हजार ८०० भन्दा बढी मानिसको मृत्यु भइसकेको छ।
संयुक्त राष्ट्र संघ ले गाजा स्वास्थ्य मन्त्रालयले सार्वजनिक गर्ने तथ्यांकलाई विश्वसनीय मान्दै आएको छ।
