काठमाडौं । यस वर्षको माध्यमिक शिक्षा परीक्षा (एसइई) आज (बिहीबार)देखि देशभर सुरु हुँदैछ।
राष्ट्रिय परीक्षा बोर्ड का अनुसार यस वर्ष ५ लाख १२ हजार ४२१ जना विद्यार्थी परीक्षामा सहभागी हुँदैछन्। तीमध्ये प्राविधिक धारतर्फ १६ हजार ३१२ जना र आंशिक (पार्सियल) तर्फ २६४ जना विद्यार्थी रहेका छन्।
बोर्डका अनुसार परीक्षा बिहान ८ बजेदेखि देशका ७७ वटै जिल्लामा एकसाथ सञ्चालन हुनेछ।
परीक्षालाई व्यवस्थित, मर्यादित र निष्पक्ष बनाउन आवश्यक सबै तयारी पूरा गरिएको बोर्डले जनाएको छ।
