काठमाडौं: अमेरिकी राष्ट्रपति डोनाल्ड ट्रम्पद्वारा घोषणा गरिएको यात्रा प्रतिबन्ध सोमबारदेखि औपचारिक रूपमा लागू भएको छ।
गत हप्ता राष्ट्रपति ट्रम्पले हस्ताक्षर गरेको आदेशअनुसार १२ देशका नागरिकहरूलाई अमेरिकामा पूर्ण रूपमा प्रवेश निषेध गरिएको छ। ती देशहरूमा अफगानिस्तान, म्यानमार, चाड, कंगो गणराज्य, इक्वेटोरियल गिनी, इरिट्रिया, हैटी, इरान, लिबिया, सोमालिया, सुडान र यमन छन्।
यस्तै, थप सात देशका नागरिकहरूलाई आंशिक रूपमा अमेरिका प्रवेशमा रोक लगाइएको छ। ती देशहरूमा बुरुन्डी, क्युबा, लाओस, सियरा लियोन, टोगो, तुर्कमेनिस्तान र भेनेजुएला पर्छन्।
ट्रम्प प्रशासनले यस निर्णयलाई अमेरिका राष्ट्रिय सुरक्षाका लागि आवश्यक कदमका रूपमा व्याख्या गरेको छ, भने विभिन्न मानवअधिकार संस्था र प्रभावित देशहरूले यसलाई विभेदकारी र अन्यायपूर्ण भनेका छन्।
