काठमाडौं: प्रधानमन्त्री तथा त्रिभुवन विश्वविद्यालयका कुलपति केपी शर्मा ओलीले रिक्त उपकुलपति पदका लागि शिक्षाध्यक्ष प्रा. डा. खड्ग केसीलाई अधिकतम तीन महिनाका लागि कार्यवाहक उपकुलपतिका रूपमा जिम्मेवारी दिएका छन्।
त्रिभुवन विश्वविद्यालय ऐन, २०४९ को दफा २१ (ख) बमोजिम उपकुलपति पदपूर्ति नभएसम्मका लागि उक्त जिम्मेवारी दिइएको हो। प्रधानमन्त्री ओलीको गत चैत ३१ गतेको निर्णयअनुसार केसीले कार्यवाहक उपकुलपतिका रूपमा जिम्मेवारी सम्हाल्ने भएका हुन्।
यसअघि उपकुलपति प्रा. डा. केशरजंग बरालले दिएको राजीनामा चैत २८ गते स्वीकृत गरिएको थियो।
