काठमाडौँ” नेपाल कम्युनिष्ट पार्टी (माओवादी केन्द्र)का अध्यक्ष पुष्पकमल दाहाल ‘प्रचण्ड’ले शुक्रबार तीनकुने क्षेत्रमा भएको घटनाको छानबिन गरी दोषीलाई कानुनी दायरामा ल्याउन सरकारसँग माग गर्नुभएको छ।
नेकपा (एकीकृत समाजवादी केन्द्र)को कार्यालयमा भएको आक्रमणबाट भएको क्षतिको आज बिहान निरीक्षण गरेपछि बसेको ‘समाजवादी मोर्चा नेपाल’को बैठकमा उहाँले दोषीलाई कारबाही गर्नुपर्नेमा जोड दिनुभयो। साथै, असामाजिक गतिविधिमा संलग्न सबैलाई कानुनी कारबाही गर्नुपर्ने माग गर्नुभयो।
बैठकपछि सञ्चारकर्मीहरूसँग सङ्क्षिप्त प्रतिक्रिया दिँदै उहाँले सुरक्षा व्यवस्थामा देखिएको कमजोरीको सरकारले गम्भीर समीक्षा गर्नुपर्नेमा जोड दिनुभयो। साथै, सुरक्षा व्यवस्थालाई थप सुदृढ बनाउन आवश्यक पहल गर्न सरकारलाई सुझाव दिनुभयो।
