काठमाडौँ: प्रहरीले राष्ट्रिय प्रजातन्त्र पार्टीका वरिष्ठ नेता रविन्द्र मिश्र र महामन्त्री धवलशमसेर राणालाई पक्राउ गरेको छ। काठमाडौँ उपत्यका अपराध अनुसन्धान कार्यालय, टेकुका प्रहरी उपरीक्षक अङ्गुर जिसीका अनुसार उनीहरूलाई आवश्यक सोधपुछका लागि पक्राउ गरिएको हो।
तीनकुनेमा घटेको घटनासँग सम्बन्धित अनुसन्धानका लागि उनीहरूलाई नियन्त्रणमा लिइएको प्रहरीले जनाएको छ। साथै, राजसंस्था पुनःस्थापनाका लागि जनआन्दोलन समितिका संयोजक नवराज सुवेदीलाई प्रहरीले घरमै निगरानीमा राखेको छ। त्यसैगरी, अधिवक्ता स्वागत नेपालसहित केही अन्य व्यक्तिहरूलाई पनि प्रहरीले पक्राउ गरेको जनाएको छ।
