भद्रपुर (झापा): चालु आर्थिक वर्षको आठ महिनामा काँकडभिट्टाबाट रु १२ अर्ब ७४ करोड १६ लाख मूल्य बराबरको पेट्रोलियम पदार्थ आयात गरिएको छ। गत आर्थिक वर्षको सोही अवधिको तुलनामा यस वर्ष पेट्रोलियम पदार्थको आयातमा रु ६४ करोड १७ लाख ५९ हजारले कमी आएको छ। गत वर्षको आठ महिनामा रु १३ अर्ब ३८ करोड ३३ लाखको पेट्रोलियम पदार्थ आयात गरिएको थियो।
मेची भन्सार कार्यालयका सूचना अधिकारी ईश्वरकुमार हुमागाईँले पेट्रोलियम पदार्थको आयात घटे पनि राजस्वमा वृद्धि भएको जानकारी दिएका छन्।
चालु आर्थिक वर्षको आठ महिनामा पेट्रोलियम पदार्थको आयातबाट रु ६ अर्ब १२ करोड ४२ लाख राजस्व सङ्कलन भएको छ। यो गत वर्षको सोही अवधिको तुलनामा ५.६ प्रतिशतले बढी हो। गत वर्षको आठ महिनामा रु ५ अर्ब ८० करोड १८ लाख राजस्व सङ्कलन भएको थियो।
