कास्की: देशको पर्यटकीय राजधानी पोखरामा सम्पन्न १९औँ पोखरा अन्तर्राष्ट्रिय म्याराथन मा केन्याली धावकहरूले आफ्नो दबदबा कायम गरेका छन्। भूतपूर्व खेलाडी मञ्च नेपाल द्वारा आयोजित ४२.१९५ किमी म्याराथन मा केन्याली धावक विल्सन चेरियुयिटले २ घण्टा १७ मिनेट २४ सेकेण्डमा दौड पूरा गरी उपाधि जित्न सफल भए। उनले रु पाँच लाख नगद पुरस्कार हात पारे। साथै, उनले यसअघि केन्याली धावक जुलियस मुरियाली वाहोमले राखेको २ घण्टा १९ मिनेट ३६ सेकेण्डको कीर्तिमानसमेत तोडेका छन्।
गत वर्षको विजेता जुलियस मुरियाली मात्र २ सेकेण्ड पछि पर्दै २ घण्टा १७ मिनेट २६ सेकेण्डमा दौड पूरा गरी दोस्रो स्थानमा सीमित भए। उनले रु तीन लाख पुरस्कार जिते। अर्का केन्याली धावक ओनेसमस गिताउ जोरोग २ घण्टा १८ मिनेट २१ सेकेण्डको समय निकाल्दै तेस्रो बने र रु दुई लाख पुरस्कार जिते।
नेपाली धावक किरणसिंह बोगोटीले चौथो स्थान हासिल गरे।
अन्य नेपाली धावकहरूको स्थान:
पाँचौँ स्थान – निरोज भट्ट क्षेत्री
छैटौँ स्थान – रिखुलालसिंह मगर
सातौँ स्थान – दिनेश सिंह बोगोटी
आठौँ स्थान – केन्याली धावक माइकल माथिया
उनीहरूले क्रमशः रु ५० हजार, रु २० हजार, रु १५ हजार, रु १० हजार नगद पुरस्कार, मेडल, र प्रमाणपत्र प्राप्त गरे।
गण्डकी प्रदेश म्याराथनको नतिजा
पहिलो स्थान – निरोज भट्ट क्षेत्री (२ घण्टा ३८ मिनेट २२ सेकेण्ड) – रु ५० हजार
दोस्रो स्थान – रिखुलालसिंह मगर – रु ३० हजार
तेस्रो स्थान – दिनेशसिंह बोगोटी – रु २० हजार
चौथो स्थान – मीनराशी विक – रु १५ हजार
पाँचौँ स्थान – अशोक बराम – रु ८ हजार
छैटौँ स्थान – सनम गुरुङ – रु ६ हजार
सातौँ स्थान – प्रितम गुरुङ – रु ४ हजार
हाफ म्याराथन (२१ किमी) नतिजा
पुरुषतर्फ
पहिलो स्थान – केन्याली धावक जोन बान्सतरा (१ घण्टा ०९ मिनेट ०७ सेकेण्ड) – रु ७५ हजार
दोस्रो स्थान – नेपाली धावक सन्तोषविक्रम विष्ट (१ घण्टा ०९ मिनेट ५६ सेकेण्ड) – रु ५० हजार
महिलातर्फ
पहिलो स्थान – नेपाली ओलम्पियन सन्तोषी श्रेष्ठ (१ घण्टा २० मिनेट ०३ सेकेण्ड) – रु १ लाख ५० हजार
दोस्रो स्थान – केन्याली धाविका स्वारोन जोनोटिक (१ घण्टा २१ मिनेट ०७ सेकेण्ड) – रु १ लाख
तेस्रो स्थान – पुष्पा भण्डारी (१ घण्टा २३ मिनेट ०८ सेकेण्ड) – रु ७५ हजार
चौथो स्थान – आश्मा विक – रु १५ हजार
पाँचौँ स्थान – द्रोपताकुमारी कठायत – रु ५ हजार
पोखरा रंगशालाबाट सुरु भएको पोखरा अन्तर्राष्ट्रिय म्याराथनको उद्घाटन उपप्रधान एवं अर्थमन्त्री विष्णुप्रसाद पौडेलले गर्नुभएको थियो।
