काठमाडौं : पछिल्लो २४ घन्टामा थप २ हजार ४०७ जनामा कोरोना भाइरस संक्रमण पुष्टि भएको छ। विभिन्न प्रयोगशालामा परीक्षण गराएका १२ हजार ४०६ नमूनामध्ये २ हजार ४०७ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
यस्तै पछिल्लो २४ घन्टामा ३ हजार ९९४ कोरोनामुक्त भएका छन् भने ४६ जनाको ज्यान गएको छ। काठमाडौं उपत्यकामा भने ६५३ जना संक्रमित थपिएका छन्। जसमा काठमाडौंमा ४८३, भक्तपुर ५८ र ललितपुरमा ११२ जना संक्रमित थपिएका छन्।
कुल संक्रमितमध्ये ४४ जिल्लामा ५ सय बढी कोरोनाका सक्रिय संक्रमित रहेको मन्त्रालयले जनाएको छ।
