काठमाडौँ: राजतन्त्र पुनर्स्थापनाका लागि गठित संयुक्त जनआन्दोलन समितिका संयोजक जगमान गुरुङले आउँदो जेठ १५ गते गणतन्त्रको अन्त्य हुने दाबी गरेका छन्।
‘पृथ्वी पथको आवश्यकता’ विषयक अन्तरक्रिया कार्यक्रमलाई सम्बोधन गर्दै गुरुङले गणतन्त्र घोषणा भएको मिति नै गणतन्त्रको अन्त्यको दिन बन्ने उल्लेख गरे।
उनले भने, “हाम्रो मान्यता के छ भने, कुनै मान्छे मर्नु पर्यो भने उसले जन्मिएको मिति, महिना, बारकै कारण मर्छ भन्ने भनाइ रहिआएको छ। गणतन्त्रको घोषणा कहिले भयो? जेठ १५ गते। त्यसैले यसको अन्त्य पनि २०८२ सालको जेठ १५ गते नै हुन्छ, यही हो कुरा।”
गुरुङको उक्त अभिव्यक्तिले हालको गणतान्त्रिक व्यवस्था र त्यसको स्थायित्वबारे बहस थप चर्किने संकेत देखिएको छ।
