काठमाडौँ: सभामुख देवराज घिमिरेले रुपन्देही क्षेत्र नम्बर ३ का प्रतिनिधिसभा सदस्य दीपक बोहराको निधनपछि प्रतिनिधिसभामा एक स्थान रिक्त भएको जानकारी दिनुभएको छ। सांसद बोहराको निधन यही चैत १९ गते उपचारका क्रममा भएको हो।
संविधानको धारा ८९ को खण्ड (च) बमोजिम र प्रतिनिधिसभा नियमावली, २०७९ को नियम २१५(२) अनुसार प्रतिनिधिसभा सदस्यको स्थान रिक्त भएको सूचना प्रकाशित गरिएको सङ्घीय संसद् सचिवालयका महासचिव पद्यमप्रसाद पाण्डेले जानकारी दिनुभयो।
