दोलखा : सडक विस्तारको काममा लापरवाही भएको भन्दै दोलखाका स्थानीय नेता तथा यात्रुले आफ्ना सवारी साधनमा मन्त्री, सचिव र महानिर्देशकको तस्वीरसहितको ब्यानर टाँसेर विरोध गरेका छन् ।दोलखालाई राजधानी जोड्ने मुख्य लामोसाँघु–जिरी सडकअन्तर्गत मुडे–चरिकोट खण्ड विस्तारको काम ६ वर्षदेखि बेवास्ता भएको भन्दै उनीहरुले सार्वजनिक यातायातमा फोटोसहितको ब्यानर टाँसेर आन्दोलन गरिरहेका छन् ।
भौतिक पूर्वाधार तथा यातायातमन्त्री रेणुकुमारी यादव, मन्त्रालयका सचिव रवीन्द्रनाथ श्रेष्ठ र सडक विभागका महानिर्देशक अर्जुनजंग थापाको तस्बिरसहितको ब्यानर टाँस्ने अभियान सुरु गरिएको संघर्ष समितिका संयोजक चिरञ्जीवी मास्केले जानकारी दिए । दोलखा-काठमाडौं आउने सार्वजनिक यातायात।सरकार… मुडे चरिकोट सडक कहिले बनाउने ? ‘हाम्रो समस्या कहिलेसम्म हेर्ने ?’ जस्ता प्रश्न सोध्ने नारा । ब्यानरमा लेखिएका छन् । विगत ६ वर्षदेखि जीर्ण सडकका कारण जनताले सास्ती भोग्नुपरेको भन्दै मास्केले यो विरोध प्रतीकात्मक विरोध भएको बताए ।सङ्घीय राजधानीका इन्चार्जका आँखा–कान खोल्न आन्दोलन सुरु गरेका छौँ,’ मास्केले भने ।
उनले सडक चौडा नभएसम्म आन्दोलन गर्ने चेतावनी दिएका छन् । दुई वर्षमा काम लिएको भारतीय निर्माण कम्पनी सकिल हैदर–शंकरमाली–सुनउल खिम्ती जेभीले सडक विस्तारको काममा लापरवाही गरेको भन्दै स्थानीयले पछिल्लो समय आन्दोलित भएका छन् ।पटक पटक निर्माण कम्पनी हराएपछि सडक बिग्रँदै गएको उनीहरुको गुनासो छ । घाम लाग्ने र धुलो लाग्दा सडक हिलो हुने गरेको जिल्लावासीले बताएका छन् । ठगी गर्नेलाई कारबाही गर्न नसकेको र सडक सुधार गर्न नसक्दा सम्बन्धित मन्त्री र उच्च पदस्थ अधिकारीप्रति पनि यस क्षेत्रका यात्रु आक्रोशित छन् ।
