काठमाडौँ: अब सडक अनुशासन उल्लङ्घन गर्ने पैदल यात्रुलाई जरिवाना लाग्ने छ। भौतिक पूर्वाधार तथा यातायात मन्त्रालयले सवारी र यातायात व्यवस्थापनका लागि बनाएको विधेयक २०८१ को मस्यौदामा यस्तो प्रावधान राखिएको हो।
विधेयक अनुसार, सडक अनुशासन उल्लङ्घन गर्ने पैदल यात्रुलाई पाँच सय रुपैयाँ जरिवाना हुने व्यवस्था गरिएको छ। त्यस्तै, अनधिकृत व्यक्तिले ट्राफिक सङ्केत राख्ने, फेरबदल गर्ने वा नष्ट गर्ने कार्यमा पाँच हजार रुपैयाँदेखि २० हजार रुपैयाँसम्मको जरिवाना लाग्ने प्रावधानसमेत राखिएको छ।
