काठमाडौँ । राष्ट्रिय स्वतन्त्र पार्टी (रास्वपा) को केन्द्रीय समिति बैठक आज बस्दैछ। बैठकपछि संसदीय दलको बैठक पनि बस्ने कार्यसूची तय गरिएको छ।
पार्टीका अनुसार दिउँसो ४ बजे वनस्थलीस्थित केन्द्रीय कार्यालयमा बस्ने बैठकमा संसदीय दलको नेता चयनसहित विभिन्न एजेण्डामा छलफल गरिनेछ।
नवनिर्वाचित सांसदहरूले आज सिंहदरबारस्थित संसद् भवनमा पद तथा गोपनीयताको शपथ लिने कार्यक्रम छ। त्यससँगै दलको नेता चयन प्रक्रिया अघि बढाइने बताइएको छ।
फागुन २१ गते सम्पन्न प्रतिनिधिसभा सदस्य निर्वाचनमा रास्वपाले स्पष्ट बहुमत हासिल गरेको दाबी गर्दै संविधानको धारा ७६(१) अनुसार सरकार गठनका विषयमा पनि बैठकमा छलफल हुने जनाइएको छ।
