काठमाडौं । सरकारले संविधान संशोधनका लागि बहसपत्र तयार गर्न कार्यदल गठन गर्ने निर्णय गरेको छ। प्रधानमन्त्री बालेन शाहका राजनीतिक सल्लाहकारको नेतृत्वमा उक्त कार्यदल गठन गरिने भएको हो।
सरकारका प्रवक्ता सस्मित पोखरेलका अनुसार आज बसेको मन्त्रिपरिषद् बैठकले राष्ट्रिय स्वतन्त्र पार्टीको वाचापत्रअनुसार संविधान संशोधन प्रक्रियालाई अघि बढाउन बहसपत्र तयार गर्ने निर्णय गरेको हो। उनले संविधान संशोधनका लागि सबै दलको सहमति आवश्यक रहने बताए।
कार्यदलको अध्यक्षमा प्रधानमन्त्रीका राजनीतिक सल्लाहकार असिम शाह नियुक्त भएका छन्। प्रतिनिधि सभाका पूर्वसांसदसमेत रहेका शाहको नेतृत्वमा बन्ने कार्यदलमा संसदमा प्रतिनिधित्व गर्ने सबै दलका प्रतिनिधि सहभागी हुनेछन्।
प्रवक्ता पोखरेलका अनुसार कार्यदलले राष्ट्रिय सहमतिमा संविधान संशोधनका लागि आवश्यक बहसपत्र तयार गर्नेछ।
