काठमाडौँ । रोल्पा निर्वाचन क्षेत्र नम्बर–१ बाट नेपाली कम्युनिस्ट पार्टीका नेता वर्षमान पुन विजयी भएका छन्। यससँगै उनले उक्त क्षेत्रमा लगातार तेस्रो पटक जित हासिल गर्दै ह्याट्रिक गरेका छन्।
मतगणनाको अन्तिम परिणामअनुसार पुनले २७ हजार ४६० मत प्राप्त गरेका छन्। उनले निकटतम प्रतिद्वन्द्वी नेपाली कांग्रेसका सुदनकुमार वलीलाई १५ हजार ४५२ मतान्तरले पराजित गरेका हुन्।
वलीले १२ हजार ००८ मत प्राप्त गरेका छन्।
यसैगरी राष्ट्रिय स्वतन्त्र पार्टी (रास्वपा) का उम्मेदवार बलराम थापा १० हजार ८९४ मतसहित तेस्रो स्थानमा रहेका छन्।
