काठमाडौं। सहकारी ठगी र संगठित अपराधमा अनुसन्धानका लागि पक्राउ परेका रास्वपा सभापति रवि लामिछानेलाई सात दिन हिरासतमा राख्न अदालतले अनुमति दिएसँगै पोखरामा रास्वपाका नेता तथा कार्यकर्ता आक्रोशित भएका छन्।
उनीहरुले निषेधित क्षेत्र समेत तोड्न खोजेपछि प्रहरीले अश्रुग्यास समेत प्रहार गरेको थियाे। लामिछानेलाई अदालत पेश गर्दा रास्वपा समर्थकले धर्ना सहितको प्रदर्शन गरेका थिए।
बिहीबार कास्की जिल्ला अदालतले लामिछानेलाई थप ७ दिन हिरासतमा राखेर अनुसन्धान गर्न प्रहरीलाई अनुमति दिएको हो।
त्यस्तै अदालतले सहकारी ठगी र संगठित अपराधमा अनुसन्धानका लागि पक्राउ परेका पूर्व डीआईजी छविलाल जोशीलाई पनि थप ७ दिन हिरासतमा राखेर अनुसन्धान गर्न अनुमति दिएको छ।
