धौलागिरि (म्याग्दी):धवलागिरि गाउँपालिका–७, ताकममा घाँस काट्न गएका ६० वर्षीय थमन खत्रीको रुखबाट खसेर मृत्यु भएको छ।
प्रहरी नायब उपरीक्षक भरत श्रेष्ठका अनुसार, स्थानीयहरूले खत्रीलाई घरबाट करिब एक किलोमिटर टाढा रहेको जङ्गलमा खनियाको रुखबाट खसेको अवस्थामा फेला पारेका थिए।
घटनाको जानकारी पाएपछि ताकम प्रहरी चौकीबाट खटिएको टोली आइतबार साँझ घटनास्थल पुगेको थियो। प्रारम्भिक अनुसन्धानमा घाँस काट्ने क्रममा रुखबाट खसेर मृत्यु भएको देखिए पनि थप अनुसन्धान भइरहेको प्रहरीले जनाएको छ।
