काठमाडौं: आजका लागि तय गरिएको मन्त्रिपरिषद् बैठक स्थगित गरिएको छ। सोमबार साँझ ६ बजे बस्ने भनिएको बैठक स्थगित गरिएको प्रधानमन्त्री केपी शर्मा ओलीका सचिवालय सदस्य रामशरण बजगाईंले जानकारी दिएका छन्।
आजको बैठकमा नेपाल राष्ट्र बैंकको गभर्नर नियुक्तिसम्बन्धी निर्णय हुने अनुमान गरिएको थियो। बैठकअघि प्रधानमन्त्री ओली र नेपाली कांग्रेसका सभापति शेरबहादुर देउवाबीच छलफल हुने उच्च स्रोतले जनाएको छ।
