काठमाडौं । खोटाङको बाराहापोखरी गाउँपालिकाका उपाध्यक्ष भुवल राई श्रम संस्कृति पार्टीमा प्रवेश गरेका छन्। २०७९ सालको स्थानीय तह निर्वाचनमा लोकतान्त्रिक–वाम गठबन्धनबाट तत्कालीन नेकपा (एकीकृत समाजवादी)को तर्फबाट निर्वाचित राई शुक्रबार बाराहापोखरीमा आयोजित कार्यक्रममा नयाँ पार्टीमा आबद्ध भएका हुन्।
श्रम संस्कृति पार्टी खोटाङका अध्यक्ष प्रताप राईका अनुसार राई नेकपा एसका प्रदेश कमिटी सदस्य तथा जिल्ला कमिटी सचिवालय सदस्यसमेत रहेका थिए। पछिल्लो समय उनी नेपाल कम्युनिष्ट पार्टीसँग आबद्ध रहेका जनाइएको छ।
राईको प्रवेशसँगै जिल्लाको राजनीतिक समीकरणमा केही फेरबदल हुने आकलन गरिएको छ।
