बाजुरा: बाजुरामा चितुवाको आक्रमणबाट एक बालकको मृत्यु भएको छ। खप्तड छेडेदह गाउँपालिका–३ धुर्ताेलाका ८ वर्षीय विजय रावतको आइतबार साँझ चितुवाले आक्रमण गर्दा ज्यान गएको हो।
जिल्ला प्रहरी कार्यालय बाजुराका प्रहरी निरीक्षक देबबहादुर चौधरीका अनुसार रावत घर नजिकै आँगनमा खेलिरहेको बेला चितुवाले आक्रमण गरेको थियो। घटनास्थलमै उनको मृत्यु भएको उहाँले जानकारी दिनुभयो। मृतकको शव परीक्षणका लागि जिल्ला अस्पताल बाजुरा ल्याइएको प्रहरीले जनाएको छ।
