काठमाडौं: प्रधानमन्त्री केपी शर्मा ओलीले ऊर्जा राज्यमन्त्री पूर्णबहादुर तामाङलाई पदबाट बर्खास्त गरेका छन्।
उनको कार्यशैलीप्रति उठेको प्रश्नका कारण गृहमन्त्री रमेश लेखकले राजीनामा दिन सुझाव दिएका थिए। तर तामाङले राजीनामा नदिएपछि प्रधानमन्त्री ओलीले उनलाई पदमुक्त गरेका हुन्।
नेपाली कांग्रेसबाट मन्त्री बनेका तामाङ नेपाल विद्युत् प्राधिकरणका तत्कालीन कार्यकारी निर्देशक कुलमान घिसिङलाई बर्खास्त गर्नु नपर्ने भन्दै सार्वजनिक रूपमा अभिव्यक्तिहरू दिँदै आएका थिए।
पछिल्लो समय उनले आफ्नै मन्त्रालयका सचिव सुरेश आचार्यसँग स्पष्टीकरणसमेत माग गरेका थिए।
