प्रधानमन्त्री ओलीको सन्देश: “सबैको जीवन खीरजस्तै मिठासपूर्ण होस्”

काठमाडौँ । प्रधानमन्त्री केपी शर्मा ओलीले साउन १५ को अवसरमा सबै नेपालीको जीवन खीरजस्तै मिठासपूर्ण होस् भन्ने शुभकामना व्यक्त गरेका छन्।

सामाजिक सञ्जालमार्फत सन्देश दिँदै उनले लेखेका छन्, “आज साउन १५, खीर खाने परम्परागत पर्व। हाम्रा पूर्वजहरूले रोपाइँ सकेर साउन १५ को पर्व मनाउन सुरु गरेका थिए। पशुपालनको पुरानो संस्कृतिसँग यस पर्वको साइनो गाँसिएको छ।”

प्रधानमन्त्री ओलीले थप लेखेका छन्, “जसरी खीरलाई मिठासपूर्ण परिकारको रूपमा लिइन्छ, त्यसैगरी यस पर्वले नेपाली समाजको संस्कृति, सौहार्दता र सामूहिकताको मिठास बोकेको छ। शुभ साउन १५! सबैको जीवन खीरजस्तै मिठासपूर्ण होस्!”