काठमाडौं: धरान उपमहानगरपालिकाका मेयर हर्क साम्पाङले प्रधानमन्त्री केपी शर्मा ओलीले आफूसँग भेट गर्न नचाहेको आरोप लगाएका छन्।
मंगलबार सिंहदरबारमा प्रधानमन्त्रीलाई भेट्न पुगेका मेयर साम्पाङले प्रधानमन्त्रीसँग भेट गर्न नपाएपछि सामाजिक सञ्जालमा लेखे, ‘केपी ओलीले मलाई फेस गर्न सकेनन्।’
खानेपानीको समस्याबारे कुरा राख्न मेयर साम्पाङ सोमबार रित्तो गाग्रोसहित काठमाडौं आएका थिए। मंगलबार सिंहदरबार पुगेका बेला प्रहरीद्वारा गाग्रो खोसिएको बताइएको छ।
उनले खानेपानी मन्त्रालयलाई धरानको पानी समस्या समाधानका लागि बारम्बार ध्यानाकर्षण गराए पनि कुनै सुनुवाइ नभएको गुनासो व्यक्त गरेका छन्।
