काठमाडौं । सुशीला कार्कीले भोलि (फागुन २१) हुने निर्वाचनको तयारी र सुरक्षा व्यवस्थाबारे छलफल गर्न राष्ट्रिय सुरक्षा परिषद्को बैठक बोलाएकी छन्।
प्रधानमन्त्री तथा मन्त्रिपरिषद्को कार्यालय, सिंहदरबारमा आज दिउँसो ३ बजे बैठक बस्ने तय भएको छ। निर्वाचनको समग्र सुरक्षा अवस्था, संवेदनशील क्षेत्रको मूल्यांकन तथा आवश्यक समन्वयबारे छलफल हुने जनाइएको छ।
बैठकमा प्रधानमन्त्रीसहित रक्षामन्त्री, गृहमन्त्री, परराष्ट्रमन्त्री, अर्थमन्त्री, मुख्य सचिव र प्रधानसेनापति सहभागी हुनेछन्। निर्वाचनलाई शान्तिपूर्ण, सुरक्षित र व्यवस्थित रूपमा सम्पन्न गराउने विषयमा परिषद्मा आवश्यक निर्णय लिइने अपेक्षा गरिएको छ।
