धनुषा । प्रतिनिधिसभा निर्वाचनअन्तर्गत बिहीबार सम्पन्न मतदानपछि धनुषा क्षेत्र नम्बर–३ को मतगणना सुरु भएको छ।
जारी मतगणनामा राष्ट्रिय स्वतन्त्र पार्टी (रास्वपा) का उम्मेदवार मनिष झा फराकिलो मतान्तरसहित अग्रस्थानमा रहेका छन्। हालसम्मको मतपरिणामअनुसार झाले ४ हजार ३२४ मत प्राप्त गरेका छन्।
उनका निकटतम प्रतिस्पर्धी नेपाली कांग्रेसका उम्मेदवार बिमलेन्द्र निधिले १ हजार ५३८ मत पाएका छन्।
यस्तै, नेकपा एमालेकी उम्मेदवार जुली महतो ७४३ मतसहित तेस्रो स्थानमा रहेकी छन्।
क्षेत्र नम्बर–३ मा मतगणना जारी रहेको निर्वाचन अधिकृतको कार्यालयले जनाएको छ।
