काठमाडौं। राष्ट्रिय स्वतन्त्र पार्टी (रास्वपा) ले आयोजना गरेको चुनावी सभालाई सम्बोधन गर्न पार्टी सभापति रवि लामिछाने र वरिष्ठ नेता बालेन शाह धनगढी पुगेका छन्।
बुधबार धनगढी वडा नम्बर–१ स्थित खुला चौरमा आयोजित चुनावी सभामा सहभागी हुन उनीहरू त्यहाँ पुगेका हुन्। सभामा रास्वपाका हजारौँ कार्यकर्ता तथा समर्थकको उल्लेखनीय उपस्थिति देखिएको छ।
सभाअघि रास्वपाले धनगढीस्थित ट्राफिक चौराहादेखि कार्यक्रम स्थलसम्म र्याली निकालेको थियो। र्यालीका कारण धनगढी बजार क्षेत्रको सवारी आवागमन केही समय प्रभावित बनेको थियो।
कैलाली, कञ्चनपुर लगायत सुदूरपश्चिम प्रदेश का नौ वटै जिल्लाबाट रास्वपाका नेता तथा कार्यकर्ता धनगढी पुगेका छन्। चुनावी सभालाई पार्टी सभापति लामिछाने र नेता शाहले सम्बोधन गर्ने कार्यक्रम रहेको जनाइएको छ।
