काठमाडौं । नेपाल कम्युनिष्ट पार्टी (एमाले)का अध्यक्ष केपी शर्मा ओलीले चुनाव नजिकिँदै गर्दा झापा क्षेत्र नं. ५ मा घरदैलो अभियान तीव्र बनाएका छन्।
ओलीले गौरादह क्षेत्रका मियाटोली, दुर्गाचोक, मजुवालगायत बस्तीमा पुगेर मतदातासँग प्रत्यक्ष भेटघाट गरेका हुन्। उनले स्थानीय बासिन्दासँग संवाद गर्दै पार्टीका एजेन्डा र आगामी योजनाबारे जानकारी गराएका थिए।
उम्मेदवार स्वयं घर–घरमा पुगेर मत माग्दा चुनावी माहोल थप तातिएको छ। कार्यकर्ताहरू पनि सक्रिय रूपमा परिचालन भएका छन् भने स्थानीय तहमा चुनावी चहलपहल बढेको देखिन्छ।
