पोखरा— गण्डकी प्रदेश सरकारले राइड सेयरिङसम्बन्धी नियमावलीको कार्यान्वयन एक महिनाका लागि स्थगित गर्ने निर्णय गरेको छ।
सङ्घ सरकारको निर्देशनसहित आएको पत्रपछि प्रदेश सरकारले निर्णय लिएको हो। मङ्गलबार प्रधानमन्त्री तथा मन्त्रिपरिषद् कार्यालयबाट नियमावली रोक्न आग्रह गर्दै पत्र प्राप्त भएपछि मुख्यमन्त्री सुरेन्द्रप्रसाद पाण्डेले सम्बन्धित मन्त्री र पदाधिकारीहरूसँग छलफल गरेका थिए।
छलफलपछि नियमावलीको कार्यान्वयन अस्थायी रूपमा स्थगन गरी यातायात व्यवसायीसँग वार्ता गर्ने निर्णय भएको मुख्यमन्त्री कार्यालयका एक अधिकारीले जानकारी दिएका छन्।
