काठमाडौं: हाल देशभरि पश्चिमी वायु, स्थानीय वायु तथा बंगालको खाडी र अरब सागरबाट आएको जलवाष्पयुक्त हावाको संयुक्त प्रभाव देखा परेको छ। मौसम पूर्वानुमान महाशाखाका अनुसार कोशी, बागमती र गण्डकी प्रदेशका साथै देशका पहाडी भूभागका केही स्थानहरूमा र अन्य क्षेत्रका एक–दुई स्थानमा मेघगर्जन, चट्याङसहित हल्कादेखि मध्यम वर्षा हुने सम्भावना छ। साथै, उच्च पहाडी तथा हिमाली भूभागका एक–दुई स्थानमा हल्का वर्षा र हिमपातको सम्भावनासमेत रहेको छ।
आज रातिको मौसमसम्बन्धी पूर्वानुमान अनुसार कोशी, मधेश र बागमती प्रदेशका पहाडी क्षेत्रमा पनि मेघगर्जन र चट्याङसहित हल्कादेखि मध्यम वर्षा हुनसक्ने सम्भावना छ। विशेषगरी कोशी र बागमती प्रदेशका उच्च पहाडी तथा हिमाली भूभागमा हल्का वर्षा र हिमपातको सम्भावना महाशाखाले जनाएको छ।
