गलकोट (बागलुङ) : अविरल वर्षका कारण शनिबारदेखि ठप्प भएको कालिगण्डकी करिडोरको बाग्लुङ्ग खण्ड अझै खुल्न सकेको छैन ।
अविरल वर्षाका कारण करिडोरको चार ठाउँमा पहिरो खसेकाले कालिगण्डकी बाग्लुङ्ग खण्ड ठप्प भएको हो।
जिल्ला प्रहरी कार्यालय बागलुङका सूचना अधिकारी एवं प्रहरी नायब उपरीक्षक विजय यादवका अनुसार बागलुङ नगरपालिका–१० दब्ल्याङमा पहिरोले सडक नै भत्काएको छ ।
वर्षा नरोकिएसम्म सडक सञ्चालन गर्न नसकिने उहाँको भनाइ छ । यस्तै, शनिबार बिहानैदेखि करिडोरको जैमिनी नगरपालिका–५ विनामारे, जैमिनी नगरपालिका–१ ठेउले खोला र जिमिरघाटमा पहिरोका कारण सडक पूर्ण रूपमा बन्द छ ।
