काठमाडौं । कानुन, न्याय तथा संसदीय मामिला मन्त्री सोविता गौतमले पदबहाली गरेकी छन्। शुक्रबार शपथ ग्रहण गरेपछि उनले मन्त्रालय पुगेर औपचारिक रूपमा जिम्मेवारी सम्हालेकी हुन्।
पदबहालीपछि सञ्चारकर्मीहरूसँग कुरा गर्दै मन्त्री गौतमले सुधार आवश्यक रहेका कानुनहरूलाई तीव्र गतिमा अघि बढाइने बताइन्। उनले कानुन निर्माण प्रक्रियालाई छिटो र प्रभावकारी बनाउनेतर्फ मन्त्रालय प्रतिबद्ध रहेको उल्लेख गरिन्।
‘हाम्रो मन्त्रालयबाट सुधार गर्नुपर्ने कानुनहरूलाई तीव्र गतिमा सुधारको बाटोमा लैजाने छौं। कानुन निर्माणमा मेरो मन्त्रालय छिटोभन्दा छिटो काम गर्न तत्पर छ। आज के काम गर्दैछौं भन्ने विषयमा छलफल गर्न बाँकी छ। खाका तयार गरेर मात्रै कामहरू अगाडि बढ्नेछन्,’ उनले भनिन्।
