काठमाडौं: काठमाडौं महानगरपालिकाका नगर प्रहरी प्रमुख राजुनाथ पाण्डे ६ महिनाका लागि निलम्बनमा परेका छन्। प्रमुख प्रशासकीय अधिकृत सरोज गुरागाईंले उनको निलम्बनको आदेश दिएका हुन्।
गत चैत २१ गते प्रमुख प्रशासकीय अधिकृत गुरागाईंलाई कार्यालय प्रवेशमा अवरोध गरेको आरोपमा पाण्डेलाई स्पष्टीकरण मागिएको थियो। तर, पाण्डेको स्पष्टीकरण चित्तबुझ्दो नभएको ठहर गर्दै उनलाई निलम्बन गरिएको हो।
यस घटनाको थप छानबिन गर्न प्रशासकीय अधिकृत गुरागाईंले एक जाँचबुझ समिति पनि गठन गरेका छन्।
