काठमाडौं: होली पर्वलाई सुरक्षित र व्यवस्थित बनाउन प्रहरीले बिहानैदेखि मादक पदार्थ सेवन (मापसे) गरी सवारीसाधन चलाउनेविरुद्ध कडाइ गरेको छ।
काठमाडौं उपत्यकाका तीनै जिल्ला—काठमाडौं, ललितपुर, र भक्तपुरमा ट्राफिक प्रहरीले जाँच अभियान तीव्र पारेको छ। बालाजु चोक, दरबारमार्ग लगायतका प्रमुख स्थानहरूमा कडाइ गरिएको छ।
होली पर्वको अवसरमा उच्छृंखल गतिविधि, जथाभावी लोला हान्ने, मापसे गरी सवारी चलाउने जस्ता घटनाहरू बढ्न सक्ने भएकाले प्रहरीले निगरानी कडा बनाएको हो।
काठमाडौं उपत्यकाका १२० भन्दा बढी स्थानमा नेपाल प्रहरीले चेकजाँच गरिरहेको छ। ट्राफिक प्रहरीको टोलीले मापसे गरेर सवारी चलाएका चालकलाई नियन्त्रणमा लिइरहेको छ।
यसैबीच, अवाञ्छित गतिविधिमा संलग्न भएको आरोपमा प्रहरीले काठमाडौंका विभिन्न स्थानबाट १२ जनालाई पक्राउ गरेको छ।
